Сибай табиптары байрам менән ҡотлай

Бөгөн дәүләтебеҙҙең ҙур һәм мөһим байрамы - Рәсәй көнө. Ошо матур байрам айҡанлы Сибай ҡалаһының медицина тармағында эшләгән хеҙмәткәрҙәр бик матур клип төшөргән. Был эште оҙаҡ йылдар Сибай Үҙәк ҡала дауаханаһының профсоюз ойошмаһын етәкләгән Басир Марат улы Шәрипов ойошторған. 

"Ғаилә - ул берҙәмлек, ғаилә - ул бергә булыу" тигән һүҙҙәр бар йырҙа. Ысынлап та, беҙ бергә, берҙәм булғанда ғына көслөбөҙ.

Яуаплы, тынғыһыҙ төп эштәрен башҡарыуҙан тыш, байрам уңайынан ошондай ҙур ижади эш башҡарған Сибай медиктарына "Афарин!" тибеҙ.

Фото: видеояҙманан скриншот.

Видео: Сибай Үҙәк ҡала дауаханаһынан.