Илдә беренсе модулле кадрҙар үҙәге төҙөлә

Башҡортостан Хөкүмәте Премьер-министрының беренсе урынбаҫары Урал Килсенбаев Бөтә Рәсәй эшкә урынлаштырыу йәрминкәһенең федераль этабын рәсми асыу ваҡытында Сибайҙа модулле кадрҙар үҙәген төҙөүгә старт бирҙе. Мәшғүллек хеҙмәте белгестәре көҙгә «Демография» милли проекты сиктәрендә төҙөлгән яңы ике ҡатлы бинала ҡунаҡтарҙы ҡабул итә башлаясаҡ. Урал Килсенбаев бөгөн эш эҙләп килгәндәрҙең яңы объект төҙөлөшөн башлауҙа ҡатнашыуын символик ваҡиға тип атаны.

Бөтә Рәсәй эшкә урынлашыу йәрминкәһе Рәсәй Президенты күрһәтмәһенә ярашлы йыл һайын үткәрелә. Беренсе төбәк этабы 12 апрелдә көндөҙгө саралар форматында үтте. Икенсе этапҡа оффлайн-форматҡа өҫтәп, «Рәсәйҙә эш» порталында эш биреүселәр витринаһы менән берҙәм онлайн-киңлек булдырылды. Ваҡиғаның федераль этабында Өфө һигеҙ  баш ҡаланың береһе булды, унда  сараның эшлекле өлөшө үтте. Форумда эксперттар сәнәғәт предприятиеларын кадрҙар менән тәьмин итеү, йәштәр мәшғүллегенә булышлыҡ итеү, һөнәри йүнәлеш биреү кеүек темаларҙы тикшерҙе, шулай уҡ иң яҡшы кадрҙар тәжрибәһе тураһында һөйләне.

Бөтә Рәсәй эшкә урынлаштырыу йәрминкәһе бөтә республиканы солғап алды. Башҡортостандың эш биреүселәре дәғүәселәргә 15 меңдән ашыу вакансия тәҡдим итте, мәшғүллек хеҙмәте белгестәре, мәғариф ойошмалары үҙ майҙансыҡтарында оҫталыҡ дәрестәре, тренингтар һәм башҡа саралар тәҡдим итте.

- Беҙ ҙур марафондың бер өлөшө булдыҡ, унда һәр кем илдең эш биреүсеһенең кадрҙар эҙләүгә ҙур көс сарыф итеүен тойҙо. Хәҙер мәктәпте тамамлаусыларға иғтибар итергә кәрәк. Дәүләт, мәғариф ойошмалары, эш биреүселәрҙең бурысы - кеше үҙенә яраҡлы эште тиҙ арала тапһын өсөн ыңғай шарттар булдырыу һәм сифатлы һөнәри йүнәлеш биреү,  - тине Башҡортостандың ғаилә, хеҙмәт һәм халыҡты социаль яҡлау министры Ленара Иванова.

Сығанаҡ: https://pravitelstvorb.ru/news/24306/