Учалының “йырсы”һына еткән эт бармы?

Иртә менән бер ағай
Гармунын һуҙып уйнай,
Джек моңло ғына йырлай,
Басков ҡайҙалыр илай...

Был юлдарҙың авторы, Учалынының уңған уҙаманы, йырлы-моңло Булат Пирғәлин шәхси сәхифәһендә күркәм видеояҙмалар менән шатландырып тороуы мәғлүм.

Ошо көндәрҙә ул сираттағы күренеште һалған: унда Учалы районы Комсомольск ауылында йәшәүсе Ренат Сәйетов “йырсы” эте менән бергә сығыш яһай. Тамашасылары – ауыл кешеләре һәм ҡыҙыҡһыныусан бәпкәләр.

Булат Пирғәлин билдәләүенсә, хужаһының гармунына эйәреп йырлаған “моңло” Джек менән видео бынан дүрт йыл элек төшөрөлгән.

Учалы – хозурлығы менән хайран иткән төбәк, унан бик күп ижад кешеләре, шул иҫәптән йырсылар сыҡҡан. Күреүегеҙсә, хатта эттәр ҙә һәләтле бында -  Джек ошоно иҫбатлай түгелме?

Фото һәм видео: Булат Пирғәлин