Һайлаусыларҙы башҡорт милли кейемендә ҡаршы алалар

Хәйбулла районының Өфө ауылында һайлаусыларҙы башҡорт милли кейемендә ҡаршылағандар.

Өфө ауылы мәҙәниәт йортонда урынлашҡан 3238-се һайлау участкаһының комиссия ағзалары һайлаусыларҙы башҡорт милли кейемендә ҡаршы алып, йылдың иң мөһим сәйәси ваҡиғаһына байрам кәйефе өҫтәйҙәр. Участканың секретары Гөлназ Баязитова әйтеүенсә, дөйөм алғанда участкала 541 һайлаусы иҫәпләнә, шуларҙың 19-ы өйҙә тауыш бирергә теләк белдергән, ә ике йәш граждан тәүге тапҡыр һайлау хоҡуғына эйә.

Фото һәм сығанаҡ: "Хәйбулла хәбәрҙәре" гәзите