Иҫтәлекле көндө тағы ла иҫтә ҡалырлыҡ итеп...

Яңы өйләнешкән йәш парҙарҙың ЗАГС бүлегендә никахын теркәгәндән һуң матур туй кейемендә тура һайлау участкаһына килеүе - һуңғы йылдарҙа һайлау кампаниялары мәлендә ярайһы уҡ йыш күҙәтелгән ваҡиға. Бының менән йәштәр берҙән гражданлыҡ әүҙемлеген күрһәтһә, икенсенән, мөһим сәйәси ваҡиғаға үҙенсәлекле йәм һәм байрам мөхите өҫтәй.

Яңауыл ҡалаһынан яңы өйләнешкән Рәхмәтуллиндар ғаиләһе лә ЗАГС-тан һуң шунда уҡ Башҡортостан Республикаһы Башлығын һәм урындағы үҙидараның вәкәләтле органдарына депутаттар һайлауға юлланған.

Был көн улар өсөн байрам булыуына ҡарамаҫтан, йәштәр бындай мөһим ваҡиғанан ситтә ҡала алмаған һәм 3411-се һайлау участкаһына инеп, үҙҙәре теләгән кандидаттар өсөн тауыш биргән. Улар хатта туй маршрутын да алдан тап ошолай планлаштырған. Шулай итеп, Диана менән Георгий бер көндә ике яуаплы ҡарар ҡабул итте: ғаилә пары булараҡ яңы тормошҡа аяҡ баҫты һәм үҙ төбәгенең киләсәге үҫешенә үҙ өлөшөн индерҙе. 

Афарин, йәштәр! Тормошоғоҙ һәр ваҡыт уң булһын! 

Сығанаҡ: Яңауыл районы хакимиәте.