Ҡайтып еткәнсе юлда ошондай күренешкә тап булдыҡ

Көндәр бер аҙ йылытты, иртәнән кискә ҡәҙәр ҡояш йылмая, ҡыҫҡаһы, әбейҙәр сыуағы тантана итә. Юл йөрөүселәр тап ошо ваҡытта үҙенә күрә бер ҡыҙыҡлы күренешкә иғтибар иткәндер – һыйыр, ат, һарыҡ-кәзә кеүек йорт хайуандары ни өсөндөр урман йәки ялан ҡыҙырып йөрөмәй, ә нәҡ оло юлға сыға, ауыл тирәһендә булһа, хатта ҡош-ҡорт та.

Ҡыҙғанысҡа ҡаршы, улар шәп тиҙлек менән барған автомобилдәргә бәрелеп ҡазалана йәки һәләк тә була. Мал ҡайғыһы ҡайғы түгел, тиҙәр. Һыйыр малы машинаға бәрелеп имгәнеүҙән айырмалы, юл-транспорт ваҡиғаһында әҙәм балаларының ғүмерҙәре өҙөлә. Иң үкенеслеһе бына ошо.

Шуға күрә лә водителдәргә кәңәш шундай: юлда йөрөгәндә, айырыуса төндә, үтә лә иғтибарлы булығыҙ!

Фото: Илдар Аҡъюлов.