"Тултырылған ҡарын" бешергәнегеҙ бармы?

Ейәнсура районынан Райхана Шәйәхмәтова "тултырылған ҡарын" эшләргә өйрәтә.

"Уның өсөн йылҡының ҡарыны кәрәк. Шуға ла был ризыҡ һуғым һуйғандан һуң бешерелә. Ҡарындың бер яғын тегеп, икенсе яғынан тултырабыҙ. Мин унда өс төрлө ит һалдым (йылҡы, һарыҡ, һыйыр ите) һәм ҡаҙы. Ит янына картуф, помидор, һуған, кишер, болгар боросо һәм тәмләткестәр өҫтәйбеҙ.
Кәстрүлгә һыуыҡ һыу ҡойоп, тултырылған ҡарынды бешерергә ҡуябыҙ. Сәғәт ярым һайын әйләндереп торабыҙ. Минең ризығым 5 сәғәт эсендә әҙер булды. Уның тәмлелеге... Һеҙ ҙә эшләп ашап ҡарағыҙ!",  -ти Райхана Шәйәхмәтова.

Ә һеҙҙең яҡтарҙа "тултырылған ҡарын" эшләйҙәрме? Фекерҙәрегеҙ менән уртаҡлашһағыҙ ине.

Сығанаҡ: "Үҫәргәндәр ере- Ейәнсура" төркөмөнән