Исемең матурмы?

Башҡортостанда 2024 йылдың 1 ғинуарынан 27 октябренә тиклем донъяға килгән сабыйҙарҙың һирәк осраған һәм популяр исемдәре билдәле булды. Исемлек ЗАГС реестрының мәғлүмәт-аналитика порталында баҫылған.

Ҡыҙҙар араһында һирәк осраған исемдәр — Элалия, Линда, Аэлита Алтынай, Патрисия һәм Аиля. Малайҙар араһында иһә Ильян, Хәсәнбай, Сафуан, Мөхәммәт Али һәм Санъяр. Ҡыҙҙарға — Әминә (379), София (335), Эмилия (319), Ева (315), Арина (308), ә малайҙарға Әмир (480), Тимур (311), Артем (305), Марк (304), Эмир (286) тигән исемдәрҙе йыш ҡушалар.

Исемең матур, кем ҡушҡан, тип әйтерлек исемдәр ҙә юҡ шикелле...

Ә һеҙ үҙегеҙҙең исемегеҙҙең нимә аңлатҡанын беләһегеҙме?

Фото: "Башинформ"