Хеҙмәткәрҙәр ҡарға ҡаршы көрәшә

Республикабыҙҙың баш ҡалаһында ла ҡар күп яуҙы. Ошо йәһәттән Өфөнөң юл һәм коммуналь хеҙмәттәре тәүлек әйләнәһенә эшләүен дауам итә.

Өфө ҡалаһы буйынса Башҡортостан гидрометеорология һәм тирә-яҡ мөхит мониторингы идаралығы мәғлүмәте буйынса тәүлек эсендә 28 сантиметрҙан ашыу ҡар яуған. Был айлыҡ яуым-төшөм нормаһының өстән бер өлөшө (ноябрь өсөн норма - 94 сантиметр).

Иртәндән Өфөнөң коммуналь хеҙмәттәре ҡар яуыу эҙемтәләрен бөтөрөү буйынса эшләне. Тротуарҙарҙы һәм йәйәүлеләр йөрөгән юлдарҙы боҙлауыҡҡа ҡаршы материалдар менән эшкәртеүгә айырыуса иғтибар бүленә. Ҡала хакимиәтенән хәбәр итеүҙәренсә, йорт яны биләмәләрен йыйыштырыу өсөн 91 техника берәмеге һәм 890 двор һепереүселәр йәлеп ителгән. Көндөң икенсе яртыһында муниципалитет 68 күп фатирлы йорттарҙың ихаталарын тикшерә. Төп иғтибарҙы ихатаға инеү юлдарын, тротуарҙарҙы, контейнер майҙансыҡтарын таҙартыуға йүнәлтәләр.

Өфөлә йорт һәм ихата биләмәһен райондың торлаҡ-коммуналь хужалығын хеҙмәтләндергән осраҡта, ҡарҙы таҙартыу буйынса аҫта күрһәтелгән телефон һандарына шылтыратығыҙ:

- Дим районының торлаҡ-коммуналь хужалығы: +7 (347) 281-22-30

- Калинин районының торлаҡ-коммуналь хужалығы: +7 (347) 238-65-11

- Ленинского районының идара итеү компанияһы: +7 (347) 286-51-74

- Октябрьск районының торлаҡ-коммуналь хужалығы: +7 (347) 235-66-95, +7 (347) 292-73-00 (күп каналлы)

- Орджоникидзе районының торлаҡ-коммуналь хужалығы: +7 (347) 286-00-90

- Совет районының торлаҡ-коммуналь хужалығы: +7 (347) 200-23-36, +7 (347) 225-02-40 (күп каналлы)

- Өфөнөң торлаҡ хужалығы диспетчер идаралығы: +7 (347) 235-48-00, +7 (347) 235-95-35

Юлдарҙы, күперҙәрҙе һәм юл үткәргестәрҙе йыйыштырыу һәм ҡарау буйынса ҡайҙа шылтыратырға?

- Коммуналь хужалыҡ һәм төҙөкләндереү идаралығы телефоны: +7 (347) 251-38-11.

Ә һеҙҙә ҡарҙы таҙарталармы?

Фото сығанағы: https://t.me/ufacityinfo/18672