Заман өсөн мөһим мәсьәләләр тураһында һөйләштеләр

Бөгөн Өфөлә “Яңы ваҡыттың көслө ҡатындары” тип исемләнгән ҡунаҡ бүлмәһе сиктәрендә “Лидерҙың дүрт интеллекты” лекцияһы һәм “Яңы заман лидерҙары: ҡатын-ҡыҙ ҡарашы” тип исемләнгән асыҡ һөйләшеү булды.

Сарала  “Бәхет биләмәһе” һәм “Өфө хосписы” хәйриә фондтарының попечителлек советтары рәйесе Каринэ Хәбирова, “Ватанды һаҡлаусылар” фондының төбәк филиалы етәксеһе Гөлнур Ҡолһарина, республиканың эшҡыуарлыҡ һәм туризм буйынса министр вазифаһын башҡарыусы Зөһрә Гордиенко, психолог, “Рәсәй – мөмкинлектәр иле” йәмғиәтенең “Сенеж” идара итеү оҫтаханаһының мәғариф эшмәкәрлеге буйынса проректоры Мария Афонина һәм башҡалар ҡатнашты.

- “Бәхет биләмәһе” проекты беҙҙе байтаҡ бергә бәйләй. Ошо проект һөҙөмтәһендә Мария Афонина ҙур дуҫтарыбыҙҙың береһенә әүерелде. Ул беҙгә беренсе тапҡыр ғына килмәй, - тине Каринэ Владимировна.

Әйткәндәй, “Рәсәй – мөмкинлектәр иле” Президент программаһы “Сенеж” идара итеү оҫтаханаһының Евразия ҡатын-ҡыҙҙар форумы менән берлектә ойошторолған “Ҡатын-ҡыҙ-лидер” мәғариф программаһы сығарылыусылары тарафынан “Ҡатындар сәләмәт йәмғиәт өсөн” проекты тормошҡа ашырыла. 

Сарала спикерҙар Башҡортостандың ҡатын-ҡыҙ эшҡыуарҙары, “Ҡатын-лидер” проектын тамамлаусылар, социаль һәм мәғариф өлкәләре төбәк департаменттары етәкселәре, йәмәғәт эшмәкәрҙәре, күп балалы әсәйҙәр һәм башҡалар булды. Улар үҙ миҫалында ғаилә ҡиммәттәрен һаҡлау тураһында һөйләне, үҙ миҫалында, карьера менән бер рәттән, ғаиләне алып барыу тураһында ла бәйән итте. “Карьер илһамландырһа, ғаилә йылытһа, йәмғиәткә хеҙмәт итеүҙең дә мәғәнәһе бар”, - тигән фекер үткәрелде.

Автор фотолары.