Рәмзиә Кәримова үҙ премияһын тапшырҙы

Алдан хәбәр итеүебеҙсә, Рәсәйҙең атҡаҙанған журналисы, Башҡортостан Республикаһының атҡаҙанған матбуғат һәм киң мәғлүмәт саралары хеҙмәткәре, Башҡортостан Республикаһы Дәүләт Йыйылышы — Ҡоролтайҙың VII саҡырылыш депутаты Рәмзиә Кәримова - Байбулатова туған мәктәбендә үҙ премияһын булдырған ине. Был хаҡта ул "Бәйләнештә"ге сәхифәһендә хәбәр итә.

"Халыҡ-ара, ил, республика кимәлендәге сараларҙа йыш ҡатнашырға тура килә. Әммә минең өсөн иң көтөп алынғаны, иң тулҡынландырғысы-тыуған мәктәбемдә үҙемдең премиямды тапшырыу тантанаһы. Әбйәлил районы Әбделмәмбәт урта мәктәбендә аҡсалата премияны 2022 йылдан яҡшы уҡыған, йәмәғәт эштәрендә әүҙем ҡатнашҡан, китап уҡырға яратҡан, ижади 3 уҡыусыға бирә башлағайным. Аллаға шөкөр, быйыл өсөнсө тапҡыр тапшырырға насип булды.
2024 йылдың лауреаттары:
Дауытова Наҙгөл Фәнил ҡыҙы, 11 класс уҡыусыһы
Дийәрова Рита Марс ҡыҙы, 9 класс уҡыусыһы
Кинйәбаева Нурия Закир ҡыҙы, 8 класс уҡыусыһы.

Лауреаттарыма уҡыуҙарында уңыштар, яңы асыштар, табыштар, балҡыштар теләйем!", - тип яҙған ул.

Фото һәм сығанаҡ: Рәмзиә Кәримованың "Бәйләнештә"ге сәхифәһенән