Һөйөнсөгә 100 мең һум вәғәҙәләйҙәр

Социаль селтәрҙәге чаттарҙа Баймаҡ районының Шүлкә ауылы кешеһенең һигеҙ баш йылҡыһы юғалыуы тураһында хәбәр иттеләр.

“Һигеҙ баш 1,8 айлыҡ тайҙарҙы эҙләйем. Билдәләре: һул ҡолаҡтары артында билдә һалынған, ялдары ҡырҡылған. Икәүһе ҡара төҫтә, бәләкәй ҡашҡалары бар (берәүһенең һул артҡы тояғы аҡ). Икәүһе – ҡыҙыл туры, тағы икәүһе – ҡыҙыл-аҡ бурыл, берәүһе – ҡола, тағы берәүһе көл төҫөндә, ялы аҡ. Хәҙер төҫтәре үҙгәргәндер инде.

Һөйөнсөгә – 100 000 (йөҙ мең) һум, (бер башына – 12500 һум). Көткән һәм ашатҡан өсөн айырым хаҡ (рулонлы бесән, һоло) түләйем.

Баймаҡ районының Шүлкә ауылынан Юлдаш Раевҡа шәхсән яҙығыҙ һәм шылтыратығыҙ: 89273056485 (ватсап). Анонимлыҡ гарантиялана”.

Фото: bashenc.online

(Фотоның был яңылыҡҡа ҡағылышы юҡ).