Малайға атай-әсәй кәрәк!

Башҡортостанда һәләтле үҫмер үҙенә ғаилә табырға хыяллана. 13 йәшлек Матвейҙы бәләкәй сағынан өләсәһе тәрбиәләгән, ләкин хәҙер малай яңғыҙы тороп ҡалған.

Матвейҙың ҡыҙыҡһыныуҙары күп: брейк-данс, шахмат, төрлө сараларҙа әүҙем ҡатнаша. «Мистер звезды России – Башкортостан» конкурсында гран-при яулаған.

Бынан тыш, ул үҙенең тышҡы ҡиәфәтенә ныҡлы иғтибар бирә. Үҫмер тиҫтерҙәре, шулай уҡ өлкәндәр менән тиҙ уртаҡ тел таба, һәр ваҡыт ярҙамға килергә әҙер.

Тулыраҡ мәғлүмәт алыу өсөн 8 (347) 218-03-62 телефоны буйынса шылтыратырға мөмкин.

Сығанаҡ: "Башҡортостаным. Яңылыҡтар"