Йыйған аҡсаһын ярҙамға тапшырған малайға сауабы төштө

Аҡсаһын МХО-ға ярҙамға күсергән малайға планшет бүләк иткәндәр. Башҡортостан Башлығы Радий Хәбиров социаль селтәрҙә Ейәнсура районының Иҫәнғол ауылынан Әмир Мәһәҙиевтең планшетҡа тип йыйған аҡсаһын МХО-ға ярҙамға күсереүе тураһында хәбәр иткәйне.

Был яңылыҡты алғы һыҙыҡта булған яугирҙәр белеп ҡалған һәм йәш патриотҡа уның хыялындағы планшетты бүләк итергә ҡарар иткән.
Әмиргә планшет тапшырған ваҡытта “Монах” позывнойлы яугир уның менән бәйләнешкә сыҡҡан һәм уға рәхмәт белдереп, изге теләктәрен еткергән.

Фото: "Башинформ"