+20 °С
Болотло
Йәмғиәт
17 Апрель 2025, 16:15
Башҡортостан оҫталары Халыҡ-ара хәйриә сәс ҡырҡыу көнөндә ҡатнаша
Хәйриә акцияһы 15 майҙа Рәсәйҙең 100 ҡалаһында һәм Евразия союзы илдәрендә үтәсәк, тип хәбәр итә Ғаилә, хеҙмәт һәм халыҡты социаль яҡлау министрлығы.
Башҡортостан оҫталары Халыҡ-ара хәйриә сәс ҡырҡыу көнөндә ҡатнаша
Проект хәстәрлеккә мохтаж булғандарға ярҙам итеү өсөн парикмахерҙарҙы берләштерә.
Акция илдең көнсығышында башланып, Калининградҡа тиклем бара. Парикмахерҙар 12 сәғәт дауамында кешеләргә яңы образ һәм үҙ-үҙҙәренә ышаныс бүләк итеү өсөн бушлай сәс аласаҡ, тип хәбәр иткән ведомство «РБ» -ға.
Акцияға һәр оҫта ҡушыла ала. Бының өсөн ҡалала йәки ҡасабала хәйриә сәс ҡырҡыу акцияһында ҡатнашып, фотоһүрәттәрҙе ебәрергә кәрәк. Улар тура эфир ваҡытында күрһәтеләсәк.
Тулыраҡ мәғлүмәт “Стрижкадобра” төркөмөндә.
Инфографика – акцияны ойоштороусыларҙың сайтынан.
Фото: resbash.ru
