Йәштәр, һеҙҙең өсөн!

Башҡортостан йәштәрен йылдың төп проект майҙансығына – «Уңышҡа үҙ юлың» республика фестиваленә саҡыралар.

 Фестиваль 5-7 майҙа Патриот паркында уҙа. Фестивалдә республиканан 300-ҙән ашыу кеше ҡатнашасаҡ.

Сара үҙ эсенә бер нисә тематик йүнәлеште аласаҡ: 

- 14 -17 йәштәрҙәге әүҙем мәктәп уҡыусыларын «Һин булдырған урын» («Территория роста») республика балалар һәм йәштәр форумына саҡыралар;

-18 - 35 йәшлек йәштәрҙе йыл һайын үткәрелеүсе «Смарт-Тау» республика проект форумында көтәләр.

Майҙансыҡтарҙа түбәндәге һылтанма буйынса теркәлеү мөмкинлеге бар: https://clck.ru/3LUZF8

Тематик форумдарҙан тыш, фестивалдә «Рәсәй – мөмкинлектәр иле» ойошмаһы проекттарында ҡатнашыусыларҙың слеты, шулай уҡ республиканың төрлө ойошмалары һәм хәрәкәттәре ултырыштары үтәсәк.

Фестивалде ойоштороусы - йәмәғәт ойошмалары менән берлектә Башҡортостандың Йәштәр сәйәсәте министрлығы. Проект Башҡортостан Республикаһы Башлығы гранттары фонды ярҙамында тормошҡа ашырыла.

Фото: kulturarb.ru