Ейәнсуралар тырыш һәм уңған

Урындағы үҙидара органдары хеҙмәткәрҙәре көнө уңайынан ойошторолған конкурста Нурғәле Бикбулатов та ҡатнаша. Нурғәле Хажиғәле улы Ейәнсура районының Абҙан ауыл биләмәһе башлығы.

– Абҙан ауыл биләмәһенә Абҙан, Әлебай, Башҡорт Самаҙыһы, Этҡол, Мөхәмәтйән, Ныяҙғол һәм Юлдыбай ауылдары ҡарай, – тип һөйләй Нурғәле Бикбулатов. – Беҙҙәге уңған да, егәрле лә, эшһөйәр ҙә кешеләргә барыһы ла хайран ҡала. Бында йорттар ҙа төҙөк, ихаталар ҙа яңыртылған, һәр өйҙә тиерлек ҡура тулы мал, ҡош-ҡорттоң иҫәбе-һаны юҡ, бер нисә баҡса тотоусылар бихисап, ҡыҫҡаһы, халыҡ етеш тормошта йәшәй.

Нурғәле Хажиғәле улы әйтеүенсә, махсус хәрби операциялағы һалдаттарға ярҙам итеү – иң мөһим бурыстарҙың береһе. Был тәңгәлдә ейәнсуралар үҙҙәре әүҙем һәм инициативалы.

Фото: Илдар Аҡъюлов.