Зарядканы розеткала ҡалдырырға яраймы?

Фирма зарядкалары ҡулланылмағанда селтәрҙән үҙаллы һүндерелә ала. Улар йылынмай тиерлек һәм бик аҙ күләмдә ток ҡуллана. Ҡайһы бер моделдәр хатта кабельға бер нәмә лә тоташтырылмаһа, уны автоматик рәүештә электрһыҙ ҡалдыра. Әммә хәүефле осраҡтар тураһында ла оноторға ярамай!

• Әгәр һеҙ арзан зарядка ҡулланаһығыҙ икән. Ундайҙарҙың артыҡ йылыныуҙан һәм ҡыҫҡа ваҡытлы ябылыуҙан (замыкание) һаҡланыуы мөмкин түгел. Был реаль янғын хәүефе.
• Әгәр өйҙә хайуандар йәки бәләкәй балалар булһа. Улар сымды һелкетә, тешләй йәки портҡа нимәлер тығып ҡуя ала – был токтан һуғылыу һәм ҡыҫҡа ваҡытлы ябылыу хәүефе.
• Әгәр селтәрҙә йыш ҡына көсөргәнеш һикереүҙәре булһа. Мәҫәлән, ауылдағы йорттарҙа. Һөҙөмтәлә зарядка янып китә, ҡайһы берҙә хатта розетканы яндыра ала.

Ҡалған осраҡтарҙа бер нәмә лә ҡурҡыныс түгел. Әгәр теләйһегеҙ икән, максималь хәүефһеҙлек өсөн зарядканы барыбер розетканан алыу яҡшыраҡ, бигерәк тә әгәр ул розеткала тәүлек әйләнәһенә ҡалһа. Өҫтәүенә, хатта тоташтырылған ҡоролмаһыҙ ҙа адаптер барыбер бер аҙ энергия ҡуллана — бик үк күп тә түгел, әммә яйлап барыбер йыйыла һәм дөйөм сығымды арттыра.

Автор фотоһы.