Рәсәй көнө менән ҡотлауҙар

Рәсәй Президенты Владимир Путин Башҡортостан Башлығы Радий Хәбиров адресына Рәсәй көнө айҡанлы ҡотлау хәбәре ебәрҙе. Унда былай тиелә:

“Хөрмәтле Радий Фәрит улы!

Беҙ Ватаныбыҙҙың бөйөк тарихы, халҡыбыҙҙың ҙур ҡаҙаныштары менән ғорурланабыҙ. Ата-бабаларыбыҙҙың аманатына тоғролоҡ, Тыуған илгә һөйөү, уның киләсәге өсөн яуаплылыҡ бөгөн беҙҙе илһамландыра, һынауҙарҙы бергәләп еңергә, ҡуйған маҡсаттарыбыҙға ирешергә ярҙам итә.

Һеҙгә уңыштар һәм иң яҡшы теләктәр теләйем.

Владимир Путин”.

Рәсәй Хөкүмәте Рәйесе Михаил Мишустин да ҡотлау хәбәре ебәргән. Унда  былай тиелә:

“Хөрмәтле Радий Фәрит улы!

Был байрам үҙ иле менән ғорурланып, уның тарихын, оло еңеүҙәрен, ҡаҙаныштарын данлаусыларҙы берләштерә. Һәм уның бөгөнгөһө һәм киләсәге өсөн яуаплылыҡты уртаҡлашырға әҙер.

Рәсәй һәр ваҡыт үҙенең милли мәнфәғәттәрен, именлеген һәм граждандарҙың үҙаллы үҫеш юлына хоҡуғын яҡланы. Һәм  бөгөн, беҙ Ватаныбыҙҙың берҙәмлеген һәм бөтөнлөгөн, бай мәҙәни мираҫын һәм быуындар күсәгилешлеген һаҡлап ҡалырға, үҙгәрә торған донъяла традицион ҡиммәттәрҙең таянысы булып ҡалырға тейешбеҙ.

Һеҙгә һәм яҡындарығыҙға ныҡлы сәләмәтлек, бәхет һәм имелек теләйем.

Михаил Мишустин”

Ҡотлау һүҙҙәре Рәсәй Президентының Волга буйы федераль округындағы Тулы хоҡуҡлы вәкиле Игорь Комаровтан килде. Унда былай тип яҙылған.

“Хөрмәтле Радий Фәрит улы!

Һеҙҙе Рәсәй көнө менән ҡотлайым!

Ата-бабаларыбыҙҙың данлы йолаларын һаҡлап, көслө, үҙ аллы дәүләт төҙөүҙе дауам итәбеҙ. Беҙҙең бөйөк, һөйөклө Ватаныбыҙ - бер-беребеҙҙе хөрмәт иткән, киләсәк тураһында уйлаған һәм үткәндәрҙе, батырлыҡтар, ҡаҙаныштар тураһында иҫкә алған ил. Беҙҙең көс – илһөйәрлектә, берҙәмлектә, берҙәмлектә.

Һеҙгә сәләмәтлек һәм именлек, Ватаныбыҙ хаҡына  яңы уңыштар теләйем!

Фото: БР Президенты сайтынан

Игорь Комаров”

Фото: "Башинформ"