Радий Хәбиров Рәсәй көнө хөрмәтенә байрам сараларында ҡатнашты

12 июндә Башҡортостан бер юлы өс байрамды билдәләй: Рәсәй көнө, Өфө ҡалаһы көнө, Башҡортостандың халыҡ шағиры һәм милли геройы Салауат Юлаевтың тыуыуына 271 йыл тулыу. Ошо әһәмиәтле даталарға арналған байрам сараларында республика Башлығы Радий Хәбиров та ҡатнашты.

Төбәк етәксеһе Башҡортостандың үҙ ирке менән Рәсәй дәүләтенә ҡушылыуына 400 йыл тулыу хөрмәтенә ҡуйылған Дуҫлыҡ һәйкәленә сәскәләр һалды. Һәйкәлгә  нигеҙ 1957 йылда һалына, ә 1965 йылда тантаналы асыу була, ул рус һәм башҡорт халҡының бөйөк туғанлыҡ дуҫлығын символлаштыра.

Тантанала Минск ҡала башҡарма комитеты рәйесе Владимир Кухарев, Башҡортостан Хөкүмәте ағзалары, Дәүләт Йыйылышы – Ҡоролтай депутаттары, республиканың Ҡоролтай, муниципалитет, министрлыҡтар һәм ведомстволар вәкилдәре, шулай уҡ “Өфө”нөң   маҡтаулы йәмәғәт эшмәкәрҙәре ҡатнашты.

Артабан Башҡортостан Башлығы Радий Хәбиров һәм саҡырылған ҡунаҡтар “Өфө – хеҙмәт батырлығы ҡалаһы” стелаһына сәскәләр һалды.

Сәскә һалыу тантанаһынан һуң төбәк етәксеһе «Өфө — Хеҙмәт батырлығы ҡалаһы» стелаһы янындағы майҙанды ҡарап сыҡты. Бында биләмәне төҙөкләндереү сиктәрендә арт-объекттар – ГАЗ-АА йөк машинаһы («бер ярым») һәм вертикаль-формалаштырыу-стругаль станок ҡуйылған.

Сәскә һалыу тантанаһынан һуң төбәк етәксеһе журналистарға Башҡортостанда һәм республиканың баш ҡалаһында йәшәүселәрҙең Рәсәй көнөн һәм Ҡала көнөн күтәренке кәйеф менән, лайыҡлы иҡтисади күрһәткестәр менән ҡаршылауы хаҡында һөйләне.

Фото: “Башинформ”