Һорауҙарығыҙ булһа, бирегеҙ!

Кире бәйләнеш платформаһы - Дәүләт хеҙмәттәре рәсми порталының бер өлөшө. Ул шәхси мәғлүмәттәрҙе һаҡлауҙы гарантиялай.

Кире бәйләнеш платформаһы - ул власть органдарына, муниципалитет хакимиәттәренә, министрлыҡ һәм ведомство етәкселәренә борсоған һорауҙарҙы бирергә мөмкинлек биргән заманса инструмент.

https://vk.cc/cNbsPZ  сайтында йәки “Дәүләт хеҙмәттәре. Бергә хәл итәбеҙ” мобиль ҡушымтаһы аша һорау бирергә мөмкин. Кире бәйләнеш платформаһына һылтанмалы виджеттар шулай уҡ дәүләт баҫмаларында, ҡала һәм район хакимиәттәре, Башҡортостандың министрлыҡтары һәм ведомстволары сайттарында бар.

Ебәрелгән мәғлүмәттә проблеманы аңлатырға, әгәр мөмкин булһа, адресты күрһәтергә һәм фото йәки видео ҡуйырға кәрәк. Һәр мөрәжәғәттә бер генә проблема тураһында мәғлүмәт күрһәтергә кәрәк – шулай һеҙҙең һорауығыҙ адресатҡа тиҙерәк барып етәсәк.

Һеҙ билдәләгән проблеманы аныҡ мәсьәләләрҙе хәл итеү өсөн яуаплы властың профилле органы йәки муниципалитет хакимиәте ҡараясаҡ. Ведомствонан яуап 30 көн эсендә килә. Ҡайһы бер проблемалар тиҙерәк хәл ителә: 10 көнгә тиклем.

Текста янау, мыҫҡыллау йәки сит кешенең шәхси мәғлүмәттәре булһа, һеҙҙең мөрәжәғәтегеҙҙе кире ҡағырға ла мөмкиндәр.

Мөрәжәғәтте ебәреү ҡағиҙәләре тураһында тулыраҡ бында уҡығыҙ: https://vk.cc/cAj5QM

Халыҡтың проблемалары тураһында мөрәжәғәттәрен муниципалитет хакимиәттәренең йәки Башҡортостан Республикаһы менән идара итеү үҙәгенең социаль селтәрҙәрендә күрергә мөмкин.

Башҡортостанда Яңауыл, Өфө, Тәтешле, Мәләүез райондары, Өфө, Нефтекама һәм Октябрьский ҡалалары хакимиәттәре Республика менән идара итеү үҙәге системаһынан әүҙем файҙалана.