Был сауҙа киоскыһын яптылар...

Өфөнөң Калинин районы Баландин бульварында урынлашҡан киоскты ябырға ҡарар иттеләр. Ошо хаҡта район хакимиәте башлығы Ғәзизйән Әхмәтйәнов хәбәр итте. Был сауҙа объекты законһыҙ, йәғни тейешле тәртиптә рөхсәт алмайынса һәм ҡала мөхитенә зыян килтереп урынлашҡан.

Ундай осраҡта, хакимиәт башлығы аңлатыуынса, милексегә ун көн эсендә ошондай объектты алып китергә ҡушыла, үтәмәгән осраҡта район хакимиәте уны һүтеп алыу тураһында ҡарар сығара.

Фото: социаль селтәрҙән.