Ҡасан ныҡлап һыуыта?

Октябрь аҙағы, ноябрь, декабрь башы. Ниндәй һауа торошо көтөлә?  Синоптиктар ниндәй фараз ҡыла?

Октябрҙең һуңғы көндәрендә яуым-төшөмһөҙ йылыраҡ һауа торошо көтөлә. Көндөҙ +10 градусҡаса йылыта. Ә айҙың иң һуңғы көнөндә хатта төндә лә, көндөҙ ҙә бер төрлө температура торасаҡ.

Ноябрь башында һалҡынайта. 7 ноябрҙә 0 градусҡаса төшә, шунан көндөҙ ҙә 0-дән түбәнерәк төшә башлай. 9 - 14 ноябрҙә ҡар яуыуы фаразлана. Ай уртаһында ҡапыл ныҡ һыуыта  -13 градусҡаса төшә, ә төндә инде -20 градус. 17 ноябрҙән тағы йылыта. Ҡар ҡатыш ямғыр һәм һауа температураһының +3 градусҡаса күтәрелеүе көтөлә.

Ҡыш ныҡлап 22 ноябрҙә килә, ти белгестәр. 28 ноябрҙә көндөҙ -10 градус һәм унан түбәнерәк, төндә -22 градусҡаса туңдыра.

Декабрҙең беренсе көнө һыуыҡ ҡына - төндә -21, көндөҙ -14 градус тирәһе. Артабанғы көндәрҙә йылыраҡ -6 градус, ә төнөн -15 градус.

Юлдарҙа һаҡ булығыҙ!

Гөлгөнә Мозафарова фотоһы.