Иғтибар: иртәгә ныҡ һыуыта

Иртәгә, 26 октябрҙә, республика биләмәһендә боҙлауыҡ, томан булыуы көтөлә.

Башҡортостан гидрометүҙәгенән хәбәр итеүҙәренсә, төндә һауа температураһы -2, -7 буласаҡ, көндөҙ иһә - +7, +12.

“Төндә һәм иртәнсәк айырым юл участкаларында ныҡ томан буласаҡ, алдағыңды күреү мөмкинлеге аҙаясаҡ. Тайғаҡ юлда төп талап – автомобилдәр араһында дистанцияны һаҡлау, киҫкен хәрәкәттәр яһамау. Тиҙлек режимын боҙмағыҙ”, – тип иҫкәртә Рәсәй Ғәҙәттән тыш хәлдәр министрлығының Башҡортостан буйынса идаралығы.

Автор фотоһы.