Юлдарҙа боҙлауыҡ! Һаҡ булығыҙ

Бөгөн яуым-төшөм көтөлмәй, Башҡортостандың төньяҡ райондарында ғына бер аҙ ямғыр яуыуы мөмкин. Ел көньяҡтан талғын, урыны менән көсәйеүсән. Һауа температураһы төндә 0...+5 градус, көньяҡ-көнсығышҡа табан -5-кә етә, көндөҙ +5...+ 10 градусҡаса йылыта.

Йәкшәмбе ямғырҙар фаразлана, тора-бирә ул епшек ҡарға әйләнә. Иртән һәм көндөҙ урыны менән боҙлауыҡ, сымдарға һәм ағас ботаҡтарына епшек ҡар ята, юлдарҙа тайғаҡ. Башҡортостандың көньяғында төндә яуым-төшөм көтөлмәй. Көньяҡтан иҫкән ел төньяҡ-көнбайышҡа йүнәлеш ала,  урыны менән киҫкен булып китә. Һауа температураһы төндә лә, көндөҙ ҙә 0...+5 градус.

Юлдарҙа һаҡ булығыҙ!

Гөлгөнә Дауытова фотоһы.

Беҙҙең МАХ каналына https://max.ru/gazetabashkortostan ҡушылығыҙ!