Уҙған аҙнаның төп ваҡиғалары

Башҡортостан Республикаһының Конституцияһы көнө, республика парламентарийҙары уҙып барған йылдың йомғаҡлау ултырышын үткәрҙе, Башҡортостан етәкселегенең федераль сараларҙа ҡатнашыуы, Дәүләт Советы ултырышы, республиканың ЮНЕСКО-лағы позициялары нығыныуы, республика сәйәси тотороҡлолоҡ буйынса иң яҡшы биш төбәк иҫәбенә инде, беҙҙең төбәк “йәшел ғәҙәттәр”ҙе һайлай. Быларҙың барыһы тураһында ла үткән аҙна ваҡиғаларына күҙәтеүҙә уҡығыҙ.

Башҡортостан Республикаһы көнөн байрам итеү

Башҡортостан Конституцияһы республиканың Рәсәй составындағы тарихи үҫешенең йомғағы булып тора, ул төбәктең ил субъекты булараҡ уникаль статусын нығытты. Конституция – республиканың ҡануниәт системаһының нигеҙе һәм Рәсәй дәүләтселегенең ил өсөн ҡатмарлы осорҙағы нығыныуы факторы.  Документ Рәсәй Федерацияһының Башҡортостандың тотороҡлолоғон һәм ныҡлы үҫешен тәьмин итеүсе дәүләт системаһы элементы булып тора.

Башҡортостан етәкселегенең федераль сараларҙа ҡатнашыуы

23 декабрҙә Башҡортостан Башлығы Радий Хәбиров ЮНЕСКО-ның белем биреү программалары буйынса Рәсәй комитеты ултырышында ҡатнашты, сит ил эштәре министры Сергей Лавровҡа республиканың тәжрибәһен һәм ҡаҙаныштарын күрһәтте.

Икенсе көнө, 24 декабрҙә, Башҡортостан Башлығы РФ Именлек Советының илдең Ҡораллы Көстәрен контракт буйынса туплау буйынса ведомство-ара комиссияһы ултырышында ҡатнашты.

Дәүләт Советының Владимир Путин етәкселегендә иҡтисадты кадрҙар менән тәьмин итеү мәсьәләләре буйынса ултырышы

Ултырыш барышында унда ҡатнашыусылар төбәктәрҙәге кадрҙар менән эшләү тәжрибәһен анализланы, шулай уҡ белгестәр уҡытыу һәм ҡабаттан әҙерләү системаһын камиллаштырыу буйынса саралар тәҡдим итте. Башҡортостан Башлығы Радий Хәбиров ултырыш һөҙөмтәләре буйынса билдәләп үткәнсә,  көн тәртибендә хеҙмәт етештереүсәнлеген күтәреү мәсьәләһе тора. Башҡортостан, Рәсәй Президенты күрһәтмәләренә ярашлы, яңы кадрҙар сәйәсәтен булдырыуҙа әүҙем ҡатнашасаҡ.

Башҡортостандың Дәүләт Йыйылышы – Ҡоролтайының көҙгө сессияһы

Республика парламентының 2025 йылдағы һуңғы ултырышында ҡатнашып, Башҡортостан Башлығы киләһе йылдағы сәйәси хәлгә күҙаллауҙар яһаны. Республика етәксеһе әйткәнсә, киләһе йылда һайлау кампанияһы ҡатмарлы шарттарҙа үтәсәк. Хәбиров республикалағы хәлде тотороҡһоҙландырыуға ҡаршы тороуҙа Башҡортостан парламенты депутаттарының әүҙемлегенә һәм һөнәри оҫталығына иҫәп тотоуын белдерҙе.

Белорет ҡалаһында Хөкүмәттең күсмә ултырышы үткәрелде

Ултырыш райондың үҫешенә һәм көнүҙәк проблемаларға арналды. Коммуналь инфраструктураның туҙыуы белореттар өсөн төп мәсьәләләрҙең береһе булып ҡала. Уны хәл итеү юлдарының береһе – ҙур ҡала һәм ҡасабаларҙы үҫтереү буйынса федераль программаға ҡушылыу.  Икенсе көнүҙәк тема – юлдар, шулай уҡ Аҙнағол ауылы янында Ағиҙел аша күпер һәм ауыр юл-транспорт ваҡиғалары йыш булған Өфө – Инйәр – Белорет трассаһы. Башҡортостан Башлығы билдәләгәнсә, Белорет районын үҫтереү буйынса көнүҙәкләштерелгән юл картаһы 15,7 миллиард һумлыҡ 102 сараны үҙ эсенә ала.

Республика сәйәси һәм социаль-иҡтисади тотороҡлолоҡ буйынса иң яҡшы биш төбәк иҫәбендә

Башҡортостан Рәсәй төбәктәренең 2025 йылдағы социаль-иҡтисади һәм сәйәси үҫеше буйынса Төбәк сәйәсәтен үҫтереү үҙәге әҙерләгән интеграль рейтингта иң яҡшы биш төбәк иҫәбенә инде. Федераль эксперттар баһалауынса, Башҡортостан сәйәси тотороҡлолоҡ һәм юғары социаль-иҡтисади динамика күрһәтте.

Фото: Башҡортостан Башлығы сайты.