Мутлашыусылар тоҙағына эләкмәгеҙ!

Һуңғы ваҡытта кешеләр иҫәбенә байырға теләүселәр «Дәүләт хеҙмәттәре» кодтарына курьерҙар һәм коммуналь хеҙмәткәрҙәр исеменән һунар итәләр.

Аферистар авторизациялау кодтарын белеү өсөн йышыраҡ үҙҙәрен тауар таратыу, торлаҡ-коммуналь хужалыҡ,  поликлиникалар һәм банктар хеҙмәткәрҙәре тип таныштыра.

Схема күп баҫҡыслы: башта көнкүреш сәбәптәре менән шылтыратыу була, йәнәһе посылка килгән, йә иһә домофонды алмаштыралар, табипҡа яҙҙыралар һәм башҡалар. Унан иһә СМС-тан килгән кодты әйтеүҙе талап итәләр.

Иҫегеҙҙә тотоғоҙ: «Дәүләт хеҙмәттәре», банктар, почта хеҙмәте, поликлиникалар бер ҡасан да телефон аша код һорамай!

Әгәр шундай үтенес яңғырай икән, оҙаҡ уйлап тормағыҙ – шунда уҡ телефон трубкаһын һалығыҙ!

Фото: aif-s3.aif.ru