Тәнзилә Дәүләтбирҙина Луганск госпиталендә эшләп ҡайтҡан

Билдәле шағирә, яҙыусы Тәнзилә Дәүләтбирҙина “Беренсе тирмә” республика ойошмаһы ирекмәндәре менән бергә МХО биләмәһендә ике аҙналыҡ командировкала булып ҡайтты. Уның ирекмәнлек сәфәре Яңы йыл осорона тура килгән. Ете оло йөрәкле ҡатын-ҡыҙ 14 көн дауамында Луганск госпиталендәге һалдаттарҙы тәрбиәләгән, теркәү, дауалау эштәрендә ярҙам күрһәткән, яугирҙәрҙе Яңы йыл менән ҡотлап, күңелдәрен дә күргән. Әйткәндәй, был составта күренекле башҡорт яҙыусыһы Динис Бүләковтың ҡыҙы Зөһрә лә барған.

Яугирҙәр һәм Луганск госпитале хеҙмәткәрҙәре “Беренсе тирмә”нең 28-се Яңы йыл бригадаһына ҙур рәхмәт белдергән. Ирекмәндәр Ҡыш бабай, Ҡарһылыу булып кейенеп, һалдаттарҙы ҡотлаған, уларға бүләктәр, балалар эшләп ебәргән ҡотлау открыткаларын таратҡан.

“Беренсе тирмә” төбәк проектының етәкселәренә, миңә яралы яугирҙәргә аныҡ ярҙам күрһәтеү мөмкинлеге биргәне өсөн, ҙур рәхмәт! Ирекмәнлек – ул эскерһеҙлек, мәрхәмәтлек. Ул тормош рәүеше, йөрәк һәм күңел ҡушыуы”, – тип яҙҙы Тәнзилә Дәүләтбирҙина.

Т. Дәүләтбирҙинаның шәхси альбомынан. 

Беҙҙең МАХ каналына https://max.ru/gazetabashkortostan ҡушылығыҙ!