"Ҡатыныма һөйләмәгән серҙәремде лә ул белә..."

Замандашыбыҙ, билдәле блогер Рөстәм Нәбиев яңы яҙмаһында әсәһенә бәйле кисерештәре менән уртаҡлашты.

"Әсәйем баҡыйлыҡҡа күскәндә миңә бер йәш тә дүрт ай булған.

Иң ауыры – ул минең хәтеремдә ҡалмаған. Йөҙөн иҫләмәйем. Тауышын да. Ҡул йылыһын да. Шуны ғына беләм: ул мине тыуҙырған. Миңә ғүмер бүләк иткән.

Оҙаҡ йылдар инде Аллаһ Тәғәләнән шуны һорайым: әсәйемде төшөмдә күрһәм ине. Бер секундҡа булһа ла. 32 йыл үтте. Әммә үтенесем һаман тормошҡа ашмай...

Мин уның ҡәбере янына йыш барам. Һөйләшәм. Бер кемгә лә әйтмәгән уй-кисерештәрем, серҙәрем менән дә бүлешәм. Хатта ҡатыныма һөйләмәгәндәрҙе лә. Һәм күңелдә шундай йылы тойғо: ул аңлай, ул ҡабул итә, ул ғәйепләмәй...

Минең әсәйем шәфҡәт туташы булған. Ижади кеше. Йырлаған. Миңә унан тап шул күскәндер – тәрәнерәк тойоу теләге, ғәҙеллек. Ғауға түгел, мәғәнә эҙләү..."

Фото Р. Нәбиевтең сәхифәһенән.

Беҙҙең МАХ каналына ҡушылығыҙ: max.ru/gazetabash...