Юғалтыу

Бөгөн, 24 мартта, Мәскәүҙә 79 йәшендә Рәсәйҙең һәм Башҡортостандың дәүләт эшмәкәре Салауат Хөрмәт улы Әминев вафат булған.

Салауат Әминев 1946 йылда Баймаҡ ҡалаһында тыуған. Ул ябай эшсе – экскаватор машинисы ярҙамсыһынан билдәле дәүләт эшмәкәренә тиклем абруйлы хеҙмәт юлы үтә. Төрлө йылдарҙа Башҡортостан Өлкә комитетында һәм БАССР Министрҙар советында юғары вазифалар биләй: республиканың мәҙәниәт министры, БР Президенты аппараты етәксеһе була, Башҡортостандың һәм Мәскәүҙең һалым хеҙмәтендә эшләй.

Салауат Хөрмәт улы – иҡтисад фәндәре кандидаты, Темәс ауылының почетлы гражданы.

С.Х. Әминев 25 мартта Мәскәүҙәге Троекуров зыяратында ерләнәсәк.

Мәрхүмдең яҡындарының ауыр ҡайғыһын уртаҡлашабыҙ.

Беҙҙең МАХ каналына https://max.ru/gazetabashkortostan ҡушылығыҙ!