Туранан-тура йоғонто яһаясаҡ

III «Бәләкәй Ватан – Рәсәй көсө» Бөтә Рәсәй муниципаль форумының тәүге көнөндә бай эшлекле программа, төп килешеүҙәргә ҡул ҡуйыу, Туғандаш ҡалалар форумы һәм Рәсәй халыҡтары берҙәмлеге йылына арналған «Ватан йөрәге» мәҙәниәттәр фестивале төп ваҡиғалар булды.

Форум Рәсәй Федерацияһы Президенты ҡушыуы буйынса үткәрелә. Сараны ойоштороусы - Рәсәй Президенты Хакимиәте эргәһендәге Бөтә Рәсәй урындағы үҙидараны үҫтереү ассоциацияһы.

Сарала муниципаль берләшмәнең, федераль һәм төбәк власы органдарының ете меңгә яҡын вәкиле, шулай уҡ сит ил ҡалалары хакимиәттәренән 60-тан ашыу делегат ҡатнаша. Форум эшендә Башҡортостан муниципалитеттары башлыҡтары ла бар.

Форум ҡатнашыусыларын Рәсәй Федерацияһы Президенты Хакимиәте етәксеһенең беренсе урынбаҫары Сергей Кириенко сәләмләне. Ул илдең милли үҫеш маҡсаттарына өлгәшеүҙә урындағы властың айырым ролен һыҙыҡ өҫтөнә алды. Рәсәй Федерацияһы Именлек Советы рәйесе урынбаҫары, «Берҙәм Рәсәй» сәйәси партияһы рәйесе Дмитрий Медведев «Халыҡ программаһы: илдең социаль-иҡтисади үҫешендә «Берҙәм Рәсәй» партияһының роле» темаһына лекция үткәрҙе.

Рәсәй Федерацияһы Федераль Йыйылышының Федерация Советы рәйесе Валентина Матвиенко Рәсәй дәүләтселегенең нигеҙе булараҡ, урындағы үҙидара ролен юғары баһалай һәм урындағы власть органдары эшенә ҡатын-ҡыҙҙарҙың индергән өлөшөн айырыуса билдәләй.

 - Ҡатын-ҡыҙҙар был эште яҡшы башҡара. Шул уҡ ваҡытта үҙ холҡо, тәүәккәллеге, патриотизмы буйынса улар ир-егеттәрҙән ҡалышмай. Беҙ көнәркәшлек һәләтенә эйә һәм халыҡтың ҡатын-ҡыҙҙарҙы үҙидара органдарына һайлауы быны раҫлай, - тип фекере менән  уртаҡлашты Валентина Матвиенко.

Рәсәй Президенты ҡарамағындағы Урындағы үҙидараны үҫтереү буйынса совет президиумы ағзаһы Ирина Гусева муниципалитет проблемаларын еткереү технологияһының нисек төҙөлөүенә айырыуса баҫым яһаны.

Эшлекле программаның икенсе өлөшө муниципалитеттарҙың халыҡ-ара хеҙмәттәшлеге, территорияларҙы стратегик һәм киңлек йәһәтенән үҫтереү, төбәктәрҙең инфраструктураһын яңыртыу һәм башҡа мәсьәләләргә арналды.

Рәсәй Федерацияһы Сит ил эштәре министрлығы вәкиле, Рәсәй Федерацияһы Хөкүмәте рәйесе урынбаҫары Алексей Оверчук хөкүмәт-ара комиссияларҙың муниципалитеттар мәнфәғәттәрен алға ебәрергә әҙер булыуын белдерҙе.

 - Иҡтисади үҫеш муниципалитеттарҙа башлана: проекттар тормошҡа ашырылған урындарҙа эш урындары булдырыла. Бында иң мөһиме - инициативалы булыу, үҙ проекттарыңды, предприятиеларың продукцияһын әүҙем алға ебәреү, инвестициялар йәлеп итеү. Былтыр муниципалитет линияһы буйынса сит илдәр менән 130 килешеү төҙөлдө, – тип һыҙыҡ өҫтөнә алды Алексей Оверчук.

Вице-премьер Марат Хөснуллин илдең комплекслы үҫешенә йүнәлтелгән һөҙөмтәләргә өлгәшеүҙә муниципалитеттарҙың ролен билдәләне.

Ҡул ҡуйылған килешеүҙәр «Ватанды һаҡлаусылар» дәүләт фонды менән менән Рәсәй Президенты Хакимиәте эргәһендәге Бөтә Рәсәй урындағы үҙидараны үҫтереү ассоциацияһы араһында хеҙмәттәшлек тураһында Килешеүгә ҡул ҡуйыу – көндөң төп ваҡиғаларының береһе. Килешеү сиктәрендә фонд илдең төбәктәрендә муниципаль филиалдар асасаҡ, ә Рәсәй Президенты Хакимиәте эргәһендәге Бөтә Рәсәй урындағы үҙидараны үҫтереү ассоциацияһы  уларҙың эшен башлауҙа системалы ярҙам күрһәтәсәк. Был ҡарар һәр муниципалитет кимәлендә үҙ ветерандарына һәм уларҙың ғаиләләренә берҙәм ярҙам инфраструктураһын булдырасаҡ.

Туғандаш ҡалалар форумы 60-тан ашыу делегатты берләштерҙе. Рәсәй муниципалитеттары һәм дуҫ илдәр вәкилдәре муниципаль-ара хеҙмәттәшлекте үҫтереү перспективаларын, иң яҡшы идара итеү тәжрибәләре менән алмашыуҙы, берлектәге гуманитар, мәғариф һәм мәҙәни проекттарҙы тикшерҙе.

Муниципаль дипломатия бөгөн – халыҡ-ара бәйләнештәрҙе нығытыуҙың һәм Рәсәйҙең сит илдәрҙәге объектив образын формалаштырыуҙың мөһим элементы, тип билдәләне форумда ҡатнашыусылар.

"Тыуған ил йөрәге" мәҙәниәт фестивале Рәсәй халыҡтарының берҙәмлек йылына арналған «Ватан йөрәге» мәҙәниәттәр фестивале форумдың беренсе көнөнөң мәҙәни доминанты булды. Форум ҡунаҡтары илебеҙ төбәктәрендә йәшәгән халыҡтарҙың йолалары, һөнәрҙәре, милли аш-һыуы һәм ижады менән танышты. Мәҙәни төрлөлө - Рәсәй берҙәмлегенең нигеҙе һәм уны үҫтереүҙең төп ресурстарының береһе. Ҡул ҡуйылған килешеүҙәр һәм ҡабул ителгән ҡарарҙар Рәсәйҙең һәр муниципалитетында кешеләрҙең йәшәү сифатына туранан-тура йоғонто яһаясаҡ.

Фото: Рәсәй Президенты Хакимиәте эргәһендәге Бөтә Рәсәй урындағы үҙидараны үҫтереү ассоциацияһы.