Йәйгесә йылы көндәр башлана

Башҡортостанда оҙайлы һалҡын көндәр урынына йылыһы килә, ти синоптиктар.

Башгидрометүҙәк мәғлүмәтенә ярашлы, 3 май һауа температураһы климат нормаһынан түбәнерәк ҡала. Яҡын көндәрҙә әллә ни үҙгәрештәр көтөлмәй: төндә термометр бағанаһы -2...+3 градусҡаса төшөүе фаразлана, көндөҙ +10....+15 градустан артмай.

Ә икенсе аҙна башынан төбәктә көньяҡ циклон хөкөм һөрә һәм һауа температураһы күтәрелә башлай.

4 майҙа һауа температураһы +18 градусҡа етә, төндә +9.

5 майҙа тағы ла йылыраҡ күрһәтә - +23 градус.

6 майҙа көндөҙ +25, төндә +11 градус булыр тип фаразлана. Яуым-төшөм был көндәрҙә көтөлмәй, ҡояшлы.

7 һәм 8 май шулай уҡ йылы +23...+24, бер аҙ ямғыр яуа, ти синоптиктар.

9 һәм 10 майҙа +21...+23 градус күрһәтә.

11 майҙа тағы әҙерәк һалҡынайта төшә - +18 градус, ямғыр яуыуы күҙаллана.

Г. Мозафарова фотоһы.