Бындай көнбағыш майын ҡурҡмай һатып алығыҙ

Былтыр “Роскачество” эксперттары тарафынан күләмле тикшеренеү үткәрелә, уның сиктәрендә 21 марка көнбағыш майы продукцияның сифатын һәм хәүефһеҙлеген билдәләүсе 44 критерий буйынса баһалана. Был тикшеренеү һуңғы йылдарҙа үҫемлек майы сегментында иң тулыһы була һәм билдәле федераль брендтарҙы ла, урындағы етештереүселәрҙе лә үҙ эсенә ала.

Тикшереүҙәр йомғаҡтары буйынса 21 сауҙа маркаһының 19-ы Рәсәй Сифат билдәһенә лайыҡ була, был уларҙың юғары стандарттарға тап килеүен күрһәтә.

Сифат Билдәһе алған иң яҡшы көнбағыш майы брендтары: “Я люблю готовить”, “Злато”, “Ласка”, “Аннинское”, “Урожайное”, “Щедрое лето”, “Корона изобилия”, “ВкусВилл”, “Светлица”, Spar, “Щедрый год”, “Красная цена”, Mr.Ricco, “Миладора”, Ideal, “Благо”, “Золотая семечка”, “Олейна”, “Слобода”.

Был етештереүселәр билдәләнгән нормативтарға, шул иҫәптән глицидил эфирҙары, трансмайҙар, бенз(а)пирен һәм продукттың хәүефһеҙлегенә йоғонто яһаусы башҡа күрһәткестәр миҡдары буйынса ентекле контроль үтә.

Ни өсөн сифатлы көнбағыш майы һатып алыу мөһим? Көнбағыш майы бик киң ҡулланылған универсаль продукт. Юғары кимәлдәге таҙартылған сифатлы майҙың бер нисә өҫтөнлөгө бар:

Ул күбекләнмәй һәм йылытҡанда төтөн сығармай, был уны ҡыҙҙырыу өсөн идеаль итә.

Аш-һыу әҙерләгәндә тигеҙ алтын корочка барлыҡҡа килеүен тәьмин итә.

Бәлешкә нескә текстура һәм хуш еҫ бирә.

Көнбағыш майын һайлағанда түбәндәге факторҙарҙы иҫәпкә алырға кәңәш ителә:

Таҙартыу дәрәжәһе: юғары таҙартыу дәрәжәһендәге майҙарға өҫтөнлөк бирергә кәрәк (мәғлүмәт ғәҙәттә этикеткала күрһәтелә). Бындай май йылытҡанда күбекләнмәй һәм нейтраль тәме бар.

Етештереүсе: “Роскачество” тикшереүен үткән һәм Сифат билдәһе алған брендтарҙы һайларға кәңәш ителә.

Яраҡлылыҡ ваҡыты: яраҡлылыҡ ваҡытының актуаллеген тикшерергә кәрәк. Ваҡыт үтеү менән көнбағыш майы үҙенең тәм сифаттарын юғалта һәм окислана.

Һаҡлау шарттары: төргәкте асҡандан һуң майҙы яҡтылыҡтан һәм йылылыҡтан һаҡланған ҡараңғы урында һаҡларға кәңәш ителә.

“Роскачество” үткәргән тикшеренеүҙәр раҫлауынса, Рәсәй баҙарында тәҡдим ителгән көнбағыш майының күп өлөшө юғары сифат һәм хәүефһеҙлек стандарттарына тап килә. Сифат билдәһе менән билдәләнгән брендтар көндәлек һәм байрам ризыҡтарын әҙерләү өсөн ышаныслы һайлау була ала. Сифатлы көнбағыш майын дөрөҫ һайлау һәм ҡулланыу ризыҡтарҙың тәмен яҡшыртыуға ғына түгел, ә туҡланыу хәүефһеҙлеген тәьмин итеүгә лә булышлыҡ итә.

Автор фотоһы.

Беҙҙең МАХ каналына https://max.ru/gazetabashkortostan  ҡушылығыҙ!