Кемдәр финишта көс һынашасаҡ?

Башҡортостан юлдаш телеканалында “Яңы моң”дың сираттағы сығарылышы бөгөн 19.30 сәғәттә башлана. Ҡарарға онотмағыҙ!

“Яңы моң” халыҡ-ара проектында ҡатнашырға теләп 800 ғариза ебәрелгән. Бөгөн иһә тура эфирҙа һигеҙ коллектив һәм ҡатнашыусы ғына көс һынашасаҡ.

Ҡырғыҙстандан ҡатнашыусы Оскарҙың һәм “Дәрт” Өфө-Магнитогорск триоһының бөгөн проектты ҡалдырыуы ихтимал. Номинанттарҙың яҙмышын бары тик тамашасылар ғына хәл итә ала. Тауыш бирергә ваҡыт бар әле!

Бөгөн иһә тура эфирҙа иң-иңдәр көс һынаша:

Ҡаҙағстандан Әкимхан Маженов. Тауышы көслө. Жюри ағзалары уны лидер тип билдәләй.

Әрмәнстандан Мэри Аветисян башҡортса йыр башҡарып күптәрҙең күңелен яуланы. Ул - халыҡ-ара конкурстарҙа ете тапҡыр еңгән көслө башҡарыусы.

Өфөнән Искәндәр Сөләймәнов – проекттың иң йәш ҡатнашыусыһы. Валерий Меладзе уны бик юғары баһалаған.

Евгения Сафина – Өфө ҡыҙы. Уны проектта тамашасы һөйөүе тотоп тора. Инде сығып остом тигәндә, тамашасылары тауыш биреп, ҡыҙҙы алып ҡала.

Өфө-Ҡазан “Дуэт”ы Василий менән Амурус - иң үҙенсәлекле ҡатнашыусылар. Ике төрлө йүнәлештә эшләгән егеттәр бер көс булып тупланып финишҡа етә алған.

Ҡазандан Гөлназ Ғарифйәнованы проектты ойоштороусы Элвин Грей (Радик Юльяҡшин) ҡурсалай. Уның билдәләүенсә, Гөлназ - проекттың биҙәге.

“Яңы моң” Башҡортостан юлдаш телеканалында 19.30 сәғәттә башлана. Ҡарарға онотмағыҙ!

Фото: БЮТ сайты.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43