Тәмле шыршыҡай

Алма менән кишер – шыршының “нигеҙе”, уларҙы тәрилкә өҫтөнә бер-береһенә беркетеп ҡуйып, башта шыршыҡайҙың олонон эшләргә кәрәк.

Артабан олонға осло шпажкалар сәнсеп сығабыҙ – был ботаҡтар була. Уларға сиратлап емештәрҙе эләктерәбеҙ.

Сырҙан йондоҙсоҡ һәм башҡа вағыраҡ биҙәктәр ҡырҡабыҙ. Йондоҙҙо – иң өҫкә, ҡалғандарын энәләрҙең остарына ҡунаҡлатабыҙ.

Тағы ла матурыраҡ итәбеҙ тиһәң, емеш-еләк араһына мармеладтан яһалған биҙәктәр ҙә ҡыҫтырырға була.

Һүрәт: 100foto.ru