Бәхет гөлөң сәскә атһын тиһәң...

Уны ҡулланғандан һуң спатифиллум сәскәгә төрөнөр. Халыҡ телендә "Ҡатын-ҡыҙ бәхете" тип тә йөрөтөлгән был гөлдө туҡландырыу өсөн төнәтмә рәүешендәге сәй япрағы ҡулланыла.

Бының өсөн 10 аш ҡалағы эре япраҡлы сәйгә 1 литр йылы һыу ҡойоп, 3-5 сәғәт төнәтергә. Һөҙөмтәлә барлыҡҡа килгән төнәтмәне һөҙөп, 1:1 нисбәтендә һыуыҡ һыу менән һыуытып алабыҙ һәм спатифиллумдың тамырына һибәбеҙ. Сәй файҙалы микроэлементтарға, шул иҫәптән калийға бай, ул гөлгә сәскә ата башларға булышлыҡ итә. Сәй һыуынан һуң спатифиллум йәнләнә: япраҡтары һығылмалы, зөбәржәт төҫкә инә, сәскә бөрөләре күренә башлай.

Бынан тыш, "ҡатын-ҡыҙ бәхете" янтарь кислотаһын ярата. 1 таблетканы 1 литр һыуға һалып, килеп сыҡҡан иретмәне ҡойоу ҙә етә: гөлөгөҙ һеҙҙе сәскәләре менән ҡыуандырыр.