Илһөйә Бәҙретдинованың бер хыялы бар

Татарстандың атҡаҙанған артисы, популяр йырсының был көндәрҙә Өфөләге гастролдәре дауам итә.

Концерттарының күбеһе "Йәштәр" мәҙәниәт һарайында үтә. Ә уның янында башҡа артистарҙың да афишалары эленгән. Афишаларҙы ҡарап, Илһөйә Бәҙретдинова бер аҙ хыялланып та алған.

"Ике легенда - Салауат Зәки улы һәм Айҙар Ғәни улы менән дуэт йырлағым килә. Әйтергә ҡурҡам, оялам! "Кит әле, һеңлем, алыҫҡараҡ" тип әйтерҙәр", - ти йырсы.

"Күберәк хыялланһаң була ул", - тип яуаплай уға концерт директоры Гүзәл Карамиева.

Ә һеҙ йырсының кем менән бергә дуэт йырлауын теләр инегеҙ?

Фото: Илһөйә Бәҙретдинованың шәхси архивынан.