Балалар гәзите һүрәттәр конкурсы иғлан итте

«Йәншишмә» республика балалар-үҫмерҙәр гәзите редакцияһы «Донъя – изгелек буяуҙары менән» һүрәттәр конкурсы иғлан итте. Ул Рәсәйҙә йыл һайын 3 сентябрҙә билдәләнгән Терроризмға ҡаршы көрәштә теләктәшлек көнөнә арнала һәм Башҡортостандың йәш быуынына толерантлыҡ, шәфҡәтлелек, үҙ эштәре өсөн яуаплылыҡ мөһимлеге хаҡында уйланырға тәҡдим итә.

Конкурсҡа 6-18 йәшлек балалар саҡырыла. Унда Башҡортостандың бөтә мөйөштәренән балалар ҡатнаша ала. Ижади эштәрҙе 30 сентябргә тиклем [email protected] электрон почтаһына йәки «Бәйләнештә»ге төркөмөнә ебәрергә кәрәк.

Еңеүселәр иҫтәлекле бүләктәр аласаҡ!

6+

Фото: https://vk.com/club45440006