"Төрмәнән ҡастығыҙмы әллә?"

Күрше ике республикала ла халыҡтың яратҡан йырсыларының береһе Илһөйә Бәҙретдинова "ИБ бандаһы" менән яңы миҙгелгә яңы программа әҙерләне. 25 сентябрҙә уның тәүге сығышы булды ла инде.

Яңыраҡ йырсы сәхифәһендә ошо хаҡта әйтә биреп, командаһының концерт кейемендәге фотографияһын ҡуйҙы.

Әммә был юлы тамашасыларының күбеһе был үҙгәреште ҡабул итмәне. Аҡлы-ҡара һыҙатлы костюмдарын күреп, "костюмдарығыҙ бер ҙә матур түгел", "төрмәнән ҡастығыҙмы әллә?", "бәрәңге ҡорттары", "концлагерь әсирҙәре", "бик матур кейенә инегеҙ, быныһы оҡшамай", "артығын ҡыланаһығыҙ", "ҡурҡыныс" тигән комментарийҙар ҡалдырған улар.

"Күрһәтәһем килә" тигән яңы программаһы менән Илһөйә ысынлап шаҡ ҡатырырға булған икән тамашасыһын.

Фото: https://vk.com/ilsiya_badretdinova