"Илештәр – ил терәге" концертына килегеҙ!

Ил яҙмышы хәл ителгәндә илештәр бер ваҡытта ла ситтә ҡалмаған. Ир-егеттәр ҡулдарына ҡорал тотоп яуға күтәрелһә, тылдағылар, көндө төнгә ялғап, хеҙмәт фронтында Еңеүҙе яҡынайтыу өсөн тир түккән. Илештәр хеҙмәт һәм һуғыш фронттарында ла һынатмаған, һығылмаған, һынмаған, батырлыҡ үрнәктәре күрһәтеп, Еңеүҙе яҡынайтыуға ҙур өлөш индергән.

Бөгөн, Тыуған ил яҙмышы хәл ителгән көндәрҙә лә, илештәр, берҙәм булып, ҙур батырлыҡтар күрһәтә. Улар Украинала барған махсус хәрби операцияла Ватаныбыҙҙа йәшәүсе халыҡтар мәнфәғәтен яҡлау, илебеҙ бөтөнлөгөн һаҡлау өсөн ҡулдарына ҡорал алып, көрәшкә күтәрелде. Тыл көслө һәм берҙәм булғанда ғына ил бөтөнлөгөн тәьмин итеп була. Илештәр һәр ваҡыт илебеҙ терәге булды һәм буласаҡ. Беҙҙең берҙәмлек - Еңеүҙе яҡынайтыуға индергән иң мөһим өлөшөбөҙ ул.

Ошо уңайҙан 27 октябрҙә Өфө ҡалаһының Йәштәр һарайында “Илештәр – ил терәге” тип аталған хәйриә концерты үтәсәк. Унда беҙҙең районда тыуып-үҫкән, районыбыҙ менән тығыҙ бәйләнештә булған күренекле артистар, Башҡорт дәүләт аграр университетының, Илеш районы Мәҙәниәт һарайының сәнғәт оҫталары ҡатнашасак. Улар араһында Башҡортостандың халыҡ артистары Фәнүнә Сиражетдинова, Фәдис Ғәниев, Дамира Сәйетова, Лилиә һәм Хәлит Фәтиховтар, Фирдүс Шәрәфуллин, Иҙрис Кәлимуллин, Башҡортостандың атҡаҙанған артистары Гүзәл Кәлимуллина, Айҙар һәм Алмас Юнысовтар, Илшат Сибәғәтуллин, Фәйрүзә Нурыева, популяр артистар Зилә Мусина-Шәрәфуллина, Рөстәм Шакиров, Айҙар Рәҡипов һәм башҡалар бар.

“Илештәр – ил терәге” хәйриә концертын Илеш районы хакимиәте, Башҡорт дәүләт аграр университеты, “Кызыл таң” гәзите редакцияһы, Илеш районы яҡташтар йәмғиәте ойоштора. Концерттан ингән килем махсус хәрби операцияла ҡатнашыусы илештәргә ярҙамға тотоноласаҡ.

Сығанаҡ: "Кызыл таң" гәзите.