"Волга осрашыуҙары" саҡыра!

"Волга осрашыуҙары-35" халыҡ-ара үҫмерҙәр киң мәғлүмәт саралары һәм киностудиялар фестивале (https://vk.com/volgameet) Ҡазанда 5-9 ғинуарҙа үтәсәк юбилей проектында ҡатнашырға саҡыра (6-8 ғинуарға килергә мөмкин).

Ситтән тороп ҡатнашыу мөмкинлеге бар. Фестивалдең йүнәлештәре: журналистика, кино, фотография, мультипликация, медиа кластар, кинопедагогика, оператор оҫталығы, комикстар, уйын технологиялары һәм лидерлыҡ.

Фестивалгә 20-нән ашыу оҫта саҡырылған. Оҫталар менән эшләү форматы: оҫталыҡ дәрестәре, практик дәрестәр, эштәрҙе тикшереү. Программала шулай уҡ тәжрибә уртаҡлашыу, экскурсиялар, күңел асыу-танып белеү программаһы бар.

Фестивалдә ҡатнашыу тураһында тулыраҡ мәғлүмәт - положениела: https://vk.com/volgait?w=wall-726232_199422/all

"ВВ-35" ойоштороу комитеты ҡыҙыҡлы программа әҙерләй һәм ҡатнашыусылар өсөн Ҡазанда онотолмаҫлыҡ көндәр ойошторорға тырышасаҡ!

Фото: https://vk.com/volgameet