1 ғинуарҙа саҡ үлемдән ҡалған

Бөгөн билдәле актер, шоумен, блогер Шәһит Хамматов 1 ғинуарҙа таң менән тыуған. 

“Шәһит ауырлыҡ менән тыуҙы, тыуғас та иламаны ла. Акушерка, үлгән тип, дежур табипты саҡыртты. “Бала үле тыуҙы” тип ҡағыҙға яҙып, ҡул ҡуйҙырҙылар. Унда балалар шәфҡәт туташы бар ине. Һиҙҙеме икән, баланы ҡулында алып йөрөнө, арҡаһына горчичник һалды, өҫтәлгә һалып, аяҡ-ҡулын, кәүҙәһен ыуҙы. Шул саҡ ул “сый” итеп ҡалды. “О, живой!” тип, балаға әйләнеп, укол һалдылар, малайың бар, 4 кило 100 грамлыҡ тип, илатып алып сығып киттеләр. Шул, теге донъяға барып ҡайтҡан малай ул”, – тип һөйләй әсәһе.

Бына шул үлемдән ҡалған малай хәҙер театрҙа һәм туйҙарҙа бөтә халыҡты үҙенә ҡаратып тота, илата ла, көлдөрә лә. Актер Шәһит Хамматовты тыуған көнө менән ҡотлайбыҙ һәм оҙон ғүмер теләйбеҙ!

Фото: https://vk.com/id21193114