"Музейҙар төнө"нән ситтә ҡалмағыҙ

Иртәгә, 17 майҙа, илебеҙҙәге иң күләмле мәҙәни сараларҙың береһе – "Музейҙар төнө" үткәрелә. Быйылғы акция Бөйөк Ватан һуғышының 80 йыллығына һәм Ватанды һаҡлаусылар йылына арнала, уның төп темаһы – "Геройҙар". Башҡортостандағы мәҙәни кис МХО яугирҙәре һәм уларҙың ғаиләләренә ярҙам йылын да күҙ уңында тотоп үткәрелә.

Сәнғәт, тарих, мәҙәниәтебеҙ донъяһына сәйәхәт ҡылырға мөмкинлек биргән сарала республикабыҙҙың 100-ҙән ашыу музейы ҡатнаша. Уларҙың һәр ҡайһыһы үҙенә генә хас эстәлеккә ҡоролған бай программаһын тәҡдим итә. 

"Музейҙар төнө"нән ситтә ҡалмағыҙ, дуҫтар! 

Һүрәттәрҙә: Өфөләге Хәрби Дан музейында, Милли музейҙа бай йөкмәткеле саралар ойошторола. Фотолар – учреждениеларҙың рәсми төркөмөнән.