Радий Хәбиров Бүздәк районында Һабантуй байрамында булды

Төбәк етәксеһе халыҡты сәсеү кампанияһының тамамланыуы менән ҡотланы, аграрийҙарға хеҙмәте өсөн рәхмәт белдерҙе.

- Бүздәк районы – республикабыҙҙың ныҡлы, берҙәм, көслө муниципалитеты. Бында эшһөйәр, ҡунаҡсыл һәм лайыҡлы кешеләр йәшәй, - тип һыҙыҡ өҫтөнә алды Радий Хәбиров. - Һеҙҙең артабан да әүҙем һәм тотороҡло үҫеш юлында булыуығыҙға ышанам.

Республика Башлығы шулай уҡ махсус хәрби операцияла ҡатнашыусыларға ярҙам итеүҙең әһәмиәтен һыҙыҡ өҫтөнә алды.

- Бүздәк районының күп ир-егеттәре хәрби бурысын лайыҡлы һәм ҡаһарманлыҡ менән үтәй. Беҙ уларҙың батырлығы алдында баш эйәбеҙ һәм уларға тәрән рәхмәт һәм ихтирам һүҙҙәре әйтәбеҙ, – тине төбәк етәксеһе. - Илебеҙҙе яҡлап һәләк булған республика кешеләрен бер ҡасан да онотмаясаҡбыҙ. Улар хаҡында яҡты иҫтәлек мәңге тере!

Радий Хәбиров шулай уҡ Бүздәк районында йәшәүселәргә Башҡортостандың дәүләт наградаларын тапшырҙы.

Сараның почетлы ҡунағы – Мәскәү өлкәһенең вице-премьеры – һаулыҡ һаҡлау министры Максим Забелин байрамда ҡатнашыусыларға тыныслыҡ һәм изгелек, яңы уңыштар теләне.

Сығанаҡ: glavarb.ru