Вуз-ара кампустың Геном үҙәгендә Рәсәй композиторы менән осрашыу үтте

Өфөләге вуз-ара кампустың Геном үҙәгендә Рәсәй композиторы Марат Фәйзуллин, «Зов» Рәсәйҙәге махсус хәрби операция темаһына арналған беренсе ҙур симфоник әҫәрҙең продюсеры һәм авторы менән осрашыу үтте.

Музыкант әҫәрендә традициялар һәм хәҙерге заман, тарих һәм көнүҙәклек берләштерелгән. Уникаль проект дөйөм кешелек ҡиммәттәренә һәм әхлаҡи нормаларға ҡағыла. Өфө университетының йәштәр сәйәсәте буйынса идаралығы ойошторған «Быуындарҙа Еңеү йәшәй» патриотик сараһы сиктәрендә композитор үҙенең симфонияһының 30 минутлыҡ видеоверсияһын студенттарға һәм уҡыусыларға тәҡдим итте.

Тамашанан һуң автор тыңлаусылар менән аралашты, уларҙың һорауҙарына яуап бирҙе. Осрашыу йылы һәм дуҫтарса мөхиттә үтте.

- Мин үткән сараға бик шатмын, сөнки зал тулы ине, һәм тыңлаусылар минең шәхси башланғысым һәм булған музыкаль йөкмәткегә ҙур иғтибар бирҙе, - тип тәьҫораттары менән уртаҡлашты Марат Фәйзуллин. - Тыңлаусыларға махсус хәрби операцияның бик ҡатмарлы темаһын тәҡдим иттем, тип ышанам. Был минең бөгөнгө миссиям. Мин йәш кешеләрҙең илебеҙ яҙмышы өсөн ихлас хистәрен һәм кисерештәрен күрҙем. Арабыҙҙа аңлау һәм бер-беребеҙҙе хөрмәт итеү барлыҡҡа килде, улар мине йәнле диалогҡа этәрҙе. Өфө университеты һәм Вуз-ара кампус етәкселегенә йәштәр менән аралашыу мөмкинлеге биргән өсөн оло рәхмәтемде белдерәм. Бергәләп тағы бер нисә осрашыу үткәрербеҙ, тип ышанам.

БЕЛЕШМӘ. 

2022 йылдан Рәсәйҙә Фән һәм технологиялар ун йыллығы инициативаһын тормошҡа ашырыу сиктәрендә фәнни-популяр йүнәлештәге 80-дән ашыу маршрут әҙерләнгән һәм эшләй башлаған. Турҙар мәктәп уҡыусыларынан алып өлкәндәргә тиклем киң аудитория өсөн хәҙерге фән ҡаҙаныштары, төбәктең тәбиғи һәм мәҙәни мираҫы менән фәнни белем призмаһы аша танышыу өсөн уникаль мөмкинлек аса.

Хәтерегеҙгә төшөрәбеҙ, Президент Владимир Путин ҡушыуы буйынса Рәсәйҙә заманса кампустар селтәре булдырыла. 2030 йылға илдә 25 кампустан торған селтәр барлыҡҡа килергә тейеш. Был йүнәлеш буйынса эште Рәсәй Федерацияһы Хөкүмәте һәм Рәсәй Мәғариф һәм фән министрлығы алып бара. Әлеге ваҡытта «Йәштәр һәм балалар» милли проекты ярҙамында 24 ошондай студент ҡаласығы проектлана һәм төҙөлә. 2036 йылға кампустар һаны 40-ҡа тиклем артасаҡ.

Башҡортостан заманса кампустар селтәрен булдырыу буйынса федераль проект тормошҡа ашырылған Рәсәйҙең пилот төбәктәренең береһе булды. Өфөлә Евразия ғилми-белем биреү үҙәгенең вуз-ара студенттар кампусының беренсе сираты 2024 йылдың февралендә асылды.

Сығанаҡ: Өфө фән һәм технологиялар университетының рәсми сайты.