Беҙҙең йыр тағы донъяны шаулата: сит илдәрҙә "Көмөш төн"дө йырлайҙар

Сит илдәрҙә яҡташыбыҙ Юрий Шатуновтың ижадына ҡыҙыҡһыныу арта. Уның инглизсә башҡарылған "И снова седая ночь" йыры донъяны яулай. Интернетта таралған клипта Америка рэперы Канье Уэст уны Лос-Анджелес ҡалаһындағы стадионда барлыҡ тамашасылар менән бергә башҡара.

Ә хәл былай була: Рәсәйҙән Август Септемберов тигән аноним автор яһалма интеллект ярҙамында беҙҙең билдәле йырҙарҙы - "Прекрасное далеко", "Песенка мамонтенка", "Позови меня с собой", "Городок", "Миллион алых роз", "Я не колдунья", "Владимирский централ", "Я это ты" һ.б. - сит ил популяр артистары башҡарыуында инглизсә ижад итә. Юра Шатуновтың йырын "Silver Night" ("Көмөш төн") исеме аҫтында Канье Уэстан "башҡарттыра".

Хәҙер фанаттар, ошо йырҙы ысынлап башҡарыуын һорап, көнө-төнө Уэстың социаль селтәрҙәге сәхифәһенә яҙа. Популяр йырсы нимә тип яуап бирер?..

Ә йыр ысынлап яңы һулыш алғандай. Иң мөһиме - Шатуновтың йырҙары йәшәй.

БЕЛЕШМӘ: Юрий Шатунов 1973 йылдың 6 сентябрендә Күмертау ҡалаһында тыуа. 2022 йылдың 23 июнендә йөрәк өйәнәгенән вафат була. Йырсыға 48 йәш ине.

Видеояҙманы "Бәйләнештә" социаль селтәрендәге төркөмөбөҙҙә ҡарай алаһығыҙ: https://vk.com/wall-104965500_368206

Фото: "Шедеврум" яһалма интеллекты ярҙамында эшләнде.

Видео сығанағы: https://vk.ru/club235727659