“Берҙәм Рәсәй” партияһы цензураға ҡаршы

“Берҙәм Рәсәй” партияһы әҙәбиәттә, кинола һәм музыкала артыҡ цензураға ҡаршы сығыш яһай.

Партияның фекеренсә, наркотиктарҙы пропагандалауҙы тыйыу тураһындағы закон арҡаһында ҡайһы бер әҫәрҙәрҙе, шул иҫәптән Рәсәй мәҙәниәтенең алтын фондына ингән классик әҫәрҙәрҙе, маркировкалау һәм тыйыу урынһыҙ.

“Берҙәм Рәсәй”ҙең Генераль советы ағзаһы, ВГТРК-ның генераль директоры урынбаҫары Евгений Поддубный, китаптан һүҙҙәрҙе алып ташлау, йырҙы тыйыу, фильмдан ҡайһы бер өҙөктәрҙе киҫеү осраҡтары бар, тип белдерҙе. Шуға күрә партия әҙәбиәттә, кинола һәм музыкала асыҡтан-асыҡ, мәғәнәһеҙ һәм зарарлы цензураға ҡаршы.