Фотоитек тураһында ишеткәнегеҙ бармы?

Владимир Касютин: фотоитектәр тураһында ишеткәнегеҙ бармы?

Рәсәй Журналистар союзы секретары, “Журналистика и медиарынок” журналының баш мөхәррире Владимир Касютин журналистарға ҡыҙыҡлы һәм файҙалы оҫталыҡ дәресе уҙғарҙы. Фотографияларҙың ҙур планда алынырға тейешлеген, гәзит күңелһеҙ булмаһын өсөн  төҫһөҙҙәрен һирәгерәк ҡулланырға кәрәклеген билдәләне тәжрибәле спикер.

-Дизайн һәм контент ҡыҙыҡлы һәм профессиональ булған хәлдә, уҡыусылар һәм партнерҙар баҫмаға нығыраҡ хөрмәт менән ҡарар, - тине ул.

Шулай уҡ Владимир Леонидович мәҡәләләрҙең исемен төрләндерергә кәрәклеген, фотоларҙа күберәк кешеләр булырға тейешлеген хәтергә төшөрҙө.

- Полосала иң яҡшыһы бер ҙур фото ҡуйырға ла ҡалғандарын сайтта йәки социаль селтәрҙәрҙә QR-код менән бирергә. Фотографиялар гәзитте уҡырға ҡамасауларға тейеш түгел. Шулай уҡ фотоитектәр ҡуйырға мөмкин. Бындай мәҡәлә уҡыусыны йәлеп итә, - тине спикер.

Владимир Касютин көньяҡ-көнбайыш район-ара ижади берекмәгә ҡараған гәзиттәргә төплө анализ яһаны, дизайны юғары кимәлдә булған баҫмаларҙы билдәләне.

Хәтерегеҙгә төшөрәбеҙ, Йәрмәкәй районында үткән семинар сиктәрендә тәжрибәле спикерҙар район журналистарын сифатлы контентҡа һәм дизайнға өйрәтә.

Журналистар семинары Башҡортостан Республикаһы Башлығы Гранттары фонды гранты иҫәбенә ойошторола.

Мәғлүмәт һәм фото: https://vk.com/wall-222973759_32

 
#АНОРазвитие
#ГрантыРБ #ФСГОРБ#смигранты2024
#МастерскаяЖурналистики