"Минең шәжәрәм" конкурсы иғлан ителде

Башҡортостандың Архив эштәре буйынса идаралығы һәм БР-ҙың Милли архив дәүләт учреждениеһы «Минең ата-бабаларым – Ватанды һаҡлаусылар. Бөйөк Ватан һуғышында Еңеүҙең 80 йыллығына» темаһына VIII асыҡ республика ғилми-тикшеренеү конкурсын үткәрә.

Конкурс "1941-1945 йылдарҙағы Бөйөк Ватан һуғышында ҡатнашыусы олатайҙарымдың батырлығы һәм шәжәрәһе; “Тыл хеҙмәтсәндәренең хеҙмәт батырлығы һәм уларҙың шәжәрәһе”; “1941-1945 йылдарҙағы Бөйөк Ватан һуғышы минең нәҫел шәжәрәһендә (видеопрезентация)” номинациялары буйынса ойошторола.

Ғаризалар һәм конкурс эштәре 2024 йылдың 1 ноябренән 2025 йылдың 1 мартына тиклем ҡабул ителә.

Ғаризаларҙы һәм конкурс эштәрен түбәндәге электрон почта адресына ебәрергә мөмкин: [email protected].

Конкурста ҡатнашыу хоҡуғына түбәндәге йәш категорияларында Рәсәй Федерацияһы граждандары эйә:

* дөйөм белем биреү ойошмаларының 7-11-се класс уҡыусылары;

 * урта профессиональ белем биреү һәм юғары белем биреү ойошмалары студенттары;

* 35 йәшкә тиклемге йәштәр.

Конкурс тураһында положение менән түбәндәге һылтанма буйынса танышырға мөмкин: https://archive.bashkortostan.ru/documents/active/589167/

 Белешмәләр өсөн телефон 8 (347) 272-89-84.

Мәғлүмәт һәм фото: https://uchbash.com/news/novosti/2024-11-05/ob-yavlyaetsya-konkurs-nauchno-issledovatelskih-rabot-moe-shezhere-3996481