Салауат Юлаев бюсы яңыртылды

Салауат ҡалаһында Батыр аллеяһын төҙөкләндергәндәр. «Дәүләт хеҙмәттәре» порталында ҡала халҡы был аллеяны яңыртыуҙы һорап тауыш биргән.

Бер ыңғай милли геройыбыҙ Салауат Юлаев бюсын да матурлағандар. Әйткәндәй, бындай бюст-һәйкәлдәр республиканың һәр район-ҡалаһында тиерлек ҡуйылған.

Ә бәғзеләр Өфөлә Салауат Юлаев һәйкәлен бөтөнләйгә алып ташлауҙары мөмкин тип ҡаңғыра. Республикабыҙ символы һаналған монументты реставрациялау киләһе йыл ғинуарҙа башланырға тейеш.